КБМҮ ТУРЫНДА

Сыйфат буенча сәясәт принциплары:

Сәясәтнең гамәлдәге принциплары ДАССУ “КБМҮ” хезмәткәрләре эше белән җитәкчелек итә, чөнки нәкъ хезмәткәрләрнең эше турыдан –туры яки турыдан-туры булмаган рәвештә күрсәтелүче медицина хезмәте сыйфатына һәм пациентларның куркынычсызлыгына бәйле.

Бу принциплар үз эченә түбәндәгеләрне ала:

Пациентның ихтияҗларын канәгатьләндерүгә ориентлашкан булу;

Күрсәтелүче медицина ярдәменең даими үсешенә юнәлдерелгән булу;

Медицина ярдәме һәм пациентлар куркынычсызлыгының сыйфатын берөзлексез арттыру эшенә һәрбер хезмәткәрнең шәхси катнашуын мотивлаштыру;

Медицина ярдәме һәм пациентлар куркынычсызлыгының сыйфаты өлкәсендәге проблема һәм мәсьәләләрне чишүгә системалы якын килү;

Финанс чараларны янга калдыру максатыннан энергоресурслардан файдалануны киметү.

Төп бурычлар:

1. Медицина ярдәме һәм пациентлар куркынычсызлыгын тәэмин итү өлкәсендә сыйфат стандартларын эшләү һәм кертү;
2. Сыйфат белән идарә итүнең гомуми принципларына һәм ГОСТ ISO 9001 стандартына нигезләнгән сыйфат менеджменты системасы нәтиҗәлелеген даими күтәрү һәм энерго-нәтиҗәлелекне яхшырту;
3. Ышаныч һәм партнерлык, үзара файдалы хезмәттәшлеккә корылган мөнәсәбәтләр булдыру;
4. Укулар аша хезмәткәрләргә һөнәри осталыкларын арттыруга мөмкинлек бирү;
5. Инцидентлар кабатлануны булдырмау һәм аларны анализлау максатыннан, хезмәткәрләрнең үз хаталарын аңлап, алар турында хәбәр итүләренә теләктәшлек күрсәтү;
6. Медицина хаталарын тикшерү, анализлау һәм аларны булдырмау буенча эш алып бару;
7. Дару препаратлары, җиһазлар, инструментлар, реагентлар, коммуналь хезмәтләр белән берөзлексез тәэмин итү;
8. Персонал, пациентлар, учреждениеләргә килүчеләрнең милкен һәм куркынычсызлыгын саклауны тәэмин итү;
9. Медицина учреждениесендә хезмәткәрләр һәм пациентлар булу вакытында чисталыкны саклау һәм уңайлык булдыру.